由呈三吽到升中

little_yolky

IloveJJ 發表於 18-8-16 14:38
我仔而家都係誇區學架!我就主要俾個仔心理準備之餘，想佢試下面對啲英文好勁既人，唔好嚇親。
...

家姐係唔會被嚇親架

little_yolky

IloveJJ 發表於 18-8-16 15:05
聽過好多人，一見到其他人口若懸河，就插唔到口。我仔讀開津校，啲同學可能無私校嗰啲咁talkative,而且英 ...

只係因為我哋target地區學校而已。去考既同學都唔係最神果批。

greentea000

小黃豆B 發表於 18-8-16 11:01
但係好多人唔會講邊間，甚至最後先改。我地自行一揀左間區外男校，但往績每年我地學校只有一個人入到，結果 ...

人地無責任講自己目標邊間，就算講都可能係山埃，始終要記得大家係競爭對手。

mcl203

little_yolky 發表於 18-8-16 09:43
佢話想考迦密呀。最搞笑係, 面試班時, 老師問佢哋小朋友target學校係邊間, 會因應學校做功課。阿大就同老師 ...

你囡想考喇叭，會有同學將佢當目標？～～～

little_yolky

greentea000 發表於 18-8-16 15:32
人地無責任講自己目標邊間，就算講都可能係山埃，始終要記得大家係競爭對手。
...

我只會覺得, 如果明知某勁校年年只會收一個同學仔, 你自己牌面明顯高過同學, 應該要同人講, 人哋明知都去馬, 係人哋既決定, 但你唔講, 然後人哋去咗, 嘥咗一個自行位, 咁就好無道義, 大家唔係對手, 係同學, 佢明知你去考, 避開去另一間都好既, 可能有機, 同一校派100個出去打仗, 有70個打勝仗, 總好過明爭暗鬥, 自己人打自己人, 然後得50個嬴。

little_yolky

pattoby 發表於 18-8-16 10:37
厘D就唔駛擔心啦! 講真, 間間中學都有大把人爭既, 無得驚. 反而, 同校既, 真係年年收1,2個既話, 明知人地勁 ...

係呀, 好似華英, 年年只收我哋3/2個, 已知阿女前面已經有幾個話要考, 咁緊係唔好同人迫啦。係咪?

greentea000

little_yolky 發表於 18-8-16 16:04
我只會覺得, 如果明知某勁校年年只會收一個同學仔, 你自己牌面明顯高過同學, 應該要同人講, 人哋明知都去馬 ...

你咁樣係道德綁架。大家公平競爭，憑實力取勝，關道義咩事？學校想派位結果好睇，會分流學生，但建議始終係建議，決定權係家長手上，唔順從又係無道義？成績更好果個就一定收，邊個保證？
咁無體育精神玩讓賽，唔似你，係咪俾黑客入侵？

little_yolky

greentea000 發表於 18-8-16 16:18
你咁樣係道德綁架。大家公平競爭，憑實力取勝，關道義咩事？學校想派位結果好睇，會分流學生，但建議始終 ...

公平競爭, 憑實力取勝, 當然唔關乎道義。但你上面所講, 人哋問, 俾個山埃人哋, 呢個就唔係公平競爭了。明知間學校年年只收一個, 你講明會去考, 人哋知道都照考, 呢個係公平競爭, 因為人哋可能面試好過你, 人哋夠膽搏。但如果你明明去考, 但同人哋講唔考, 人哋就放心去, 咁就係左右咗人哋既選擇, 跣人, 唔係公平競爭。決定權响家長手上, 跟唔跟不存在道德問題, 但講大話就存在道德問題了。

我做乜都會搏到盡, 但見到人哋唔知一定會提人, 提咗, 人哋考得好過阿女係人哋本事。

小黃豆B

greentea000 發表於 18-8-16 16:18
你咁樣係道德綁架。大家公平競爭，憑實力取勝，關道義咩事？學校想派位結果好睇，會分流學生，但建議始終 ...

其實學校都係社會縮影，特別當家長參與其中，就會多左變數，我地亦有經驗，小朋友之間傾計係一個版本，但到家長揸旗填表時又變左另一個版本。亦有見家長週圍問人但自己唔講，甚至會放山埃。我地同小朋友都唔介意直接同人講㨂左邊間，呢d都係身教之一。至於突然出現強勁對手，只能同小朋友苦笑一下世事難料，只要努力做好自己，此處不留人自有留人處！

greentea000

little_yolky 發表於 18-8-16 16:53
公平競爭, 憑實力取勝, 當然唔關乎道義。但你上面所講, 人哋問, 俾個山埃人哋, 呢個就唔係公平競爭了。明知 ...

唔怪之得咁多人唔肯講啦，講左就無得改變主意，否則就係講大話有道德問題，玩死自己，梗係死都唔講啦！

pattoby

little_yolky 發表於 18-8-16 16:53
公平競爭, 憑實力取勝, 當然唔關乎道義。但你上面所講, 人哋問, 俾個山埃人哋, 呢個就唔係公平競爭了。明知 ...

其實厘個時間, 個個都唔好信. XD

greentea000

小黃豆B 發表於 18-8-16 17:09
其實學校都係社會縮影，特別當家長參與其中，就會多左變數，我地亦有經驗，小朋友之間傾計係一個版本，但到 ...

根本就唔應該考慮同學咩目標，衡量自己係全港對手之中有幾多勝算先最重要。

pattoby

little_yolky 發表於 18-8-16 16:53
公平競爭, 憑實力取勝, 當然唔關乎道義。但你上面所講, 人哋問, 俾個山埃人哋, 呢個就唔係公平競爭了。明知 ...

其實, 選咩中學, 都仲有好多變數既. 好似我咁, 其實真係到最後一刻先諗到點選擇既.

我只係想指出, 人地想知你考咩中學, 有D係想避, 有D係想踩住你上. 個個意思不同,

little_yolky

pattoby 發表於 18-8-16 17:17
其實, 選咩中學, 都仲有好多變數既. 好似我咁, 其實真係到最後一刻先諗到點選擇既.

我只係想指出, 人地想 ...

是的, 最後既選擇一定係要等呈二成績出咗至有得諗。只要唔target只收一個半個既學校, 基本上影響就唔大。

小黃豆B

greentea000 發表於 18-8-16 17:17
根本就唔應該考慮同學咩目標，衡量自己係全港對手之中有幾多勝算先最重要。
...

理論當然係咁講，假如成績唔得連面試機會都無。但假如咁多年學校每年都只有一個人可以入到，你同校有個成績同獎項都比你好既報左，個刻應該有最壞打算，當然可能打破傳統收到兩個，但始終教育局個分係同師兄師姐有關，唔係一人之力可以輕易改變。不過世事往往都係不似預期，我同小朋友講盡左自己力就算，此處不留人自有留人處，而事實上同校三個落選者自行二收既學校亦一d都唔差。

little_yolky

greentea000 發表於 18-8-16 17:17
根本就唔應該考慮同學咩目標，衡量自己係全港對手之中有幾多勝算先最重要。
...

我唔知青青乜小學, 但二線學校同一線學校既玩法係好唔一樣, 勁校唔會俾咁多quota二線小學既學生, 青青既成績如果keep到, 當然可以搏到盡, 但後幾名既玩法會完全唔一樣。就算你覺得自己一定好過一線學校10名外既學生, 中學唔係咁諗已經無歌仔唱。

Kalongmama

pattoby 發表於 18-8-16 17:17
其實, 選咩中學, 都仲有好多變數既. 好似我咁, 其實真係到最後一刻先諗到點選擇既.

我只係想指出, 人地想 ...

真係有好多變數，其實有時人哋冇心講大話，只係自行階段嘅時候嘅決定同大抽獎係 載然不同 ，有時都要睇埋呈分嘅成績已決定，所以真係好難講。我有班好熟既家長咩都講，大家一直有討論開，一齊填表， 見佢哋都係好大轉變 ，到最後一刻也會三心兩意

Junjun7

我揀兩間自行學校時都係到最後填表先決定揀邊兩間，所以開始諗的同最後揀的都會不一樣，不過大致都係根據個女的喜愛程度揀，冇諗過人地會吾會報，順其自然，收佢最好，唔收仲有大抽獎，一定有間band1俾佢讀

Junjun7

有冇人知每區小學舉行的優秀學生選舉面試係做d咩嘢嘎？是否就係問問題